Homer steeds die gewildste
2010-06-01 16:01
Los Angeles – Homer Simpson is as die beste karakter wat in die afgelope 20 jaar vir televisie en rolprente ontwerp is aangewys.
Homer, van een van die oudste reekse op die kassie, The Simpsons, het stof in die oë van Harry Potter en Buffy The Vampire Slayer geskop.
Volgens Matt Groening, vervaardiger van The Simpsons, kon miljoene mense hulself met Homer se spreekwoord "D’oh" vereenselwig.
The Simpsons, tans in hul 21ste seisoen, word in meer as 90 lande uitgesaai.
Die lys van 100 karakters is Maandag vrygestel om die 20ste herdenking van Entertainment Weekly te vier.
- Reuters
- Volg Nuus24 op Twitter.