Homer en kie word dalk stil weens dispuut oor salarisse
2011-10-04 23:12
Los Angeles – Die treffer-animasiereeks The Simpsons sal
moontlik ná 23 seisoene tot ‘n einde kom weens die stemakteurs se
salariskwessies met die televisienetwerk Fox, berig Sky News.
Dit is nie die eerste keer dat die geselskap
in moeilike onderhandelinge met dié vervaardigingsmaatskappy betrokke
is nie.
In 2004 het die akteurs gestaak ná ‘n
salarisdispuut met Fox, wat gedreig het om hulle met ander stemakteurs te
vervang.
Sedertdien is daar gereeld die spot gedryf met dié
dreigement in van die Simpson-episodes.
Dié keer dreig Fox om die akteurs se salaris
met 45% te sny.
Indien hulle nie gelukkig is hiermee nie, is
hulle hul werk kwyt.
Die akteurs het vroeër voorgestel dat hul
salarisse met 30% gesny word in ruil vir ‘n klein persentasie van die reeks se wins.
Kliek hier vir die volledige storie.
Volg Nuus24 op Twitter.