Hollywood se flop-manne
2009-11-19 10:18
Los Angeles – Will Ferrell en Ewan McGregor is deur Forbes.com as Hollywood se mees oorbetaalde sterre aangewys, wanneer daar gekyk word na die winste van hul rolprente.
Billy Bob Thornton, Tom Cruise en Jim Carrey het ook die top-tien lys van flop-akteurs gemaak. Dié akteurs kos meer om te huur as wat hulle werd is by die loket.
Ferrell beklee die eerste plek op die lys, omdat sy 2009 rolprent, Land of the Lost ‘n flop was. Volgens Forbes het dit ongeveer $100 miljoen (sowat R750 miljoen) gekos om dit te maak, maar het slegs $65 miljoen (sowat R488 miljoen) by die loket vir Universal Pictures ingehark.
Dié rolprent is opgevolg deur ‘n teleurstellende $43 miljoen (sowat R323 miljoen) vir Ferrell se rolprent Semi-Pro en $128 miljoen (sowat R962 miljoen) vir Step Brothers.
Daar was dus tot die slotsom gekom dat vir elke dollar wat Ferrell betaal was, het sy rolprente ‘n gemiddelde van $3,29 (sowat R25) verdien.
Die Finansiële nuus-webwerf het die lys saamgestel, en het gaan kyk na 100 van Hollywood se grootste en bekendste sterre, wat hoofrolle in ten minste drie groot rolprente in die laaste vyf jaar gespeel het.
Cruise, wat as een van die gewildste akteurs in Hollywood beskryf word, het sesde plek op die lys gehaal, met Eddie Murphy in vierde plek.
Forbes se 6 mees oorbetaalde sterre is:
1. Will Ferrell $3.29 (sowat R25)
2. Ewan McGregor $3.75 (sowat R28)
3. Billy Bob Thornton $4 (sowat R30)
4. Eddie Murphy $4.43 (sowat R33)
5. Ice Cube $4.77 (sowat R36)
6. Tom Cruise $7.18 (sowat R54)
- Reuters