HipHopKop: Finaliste van 1ste ronde bekend
2011-01-25 15:11
Kaapstad - Die eerste rondte finaliste van HipHopKop wat sal deelneem aan die Suidoosterfees vertoning is pas aangekondig.
Hierdie ses kunstenaars, vyf wat deur die beoordelaars gekies is en een wat die gewildste onder stemmers was, sal op 28 Januarie om 19:00 saam met DJ Ready D en Jack Parow by die Kunstekaap-teater optree.
Die drie beoordelaars DJ Ready D, Dokte en Jack Parow het gesukkel om slegs vyf finaliste aan te wys.
Weens die hoë standaard van inskrywings is die organiseerders tans in onderhandelinge met Gheto Ruff om ‘n konsepalbum uit te reik sodat meer van die deelnemers die geleentheid gegun kan word om hul talent te wys.
Die vyf finaliste wat deur die beoordelaars aangewys is, is:
• Cream
• Remy-E
• Bluetrain
• Khoe Sunz
• Cole
Die finalis wat die gewildste onder die stemmers was, is Rashid Kamalie.
HipHopKop, is 'n hip-hop talent kompetisie wat deur Naspers geborg word om nuwe Afrikaanse talent na vore te bring en ‘n breër platform aan jong kunstenaars gee.
- Volg Nuus24 op Twitter.