Heather Locklear in hospitaal
2012-01-13 10:46
Los Angeles – Die Melrose Place-aktrise Heather Locklear is na 'n hospitaal geneem nadat nooddienste na haar huis naby Los Angeles ontbied is, het die polisie gesê.
Nadat nooddienste by Locklear se huis opgedaag het, het hulle besluit dat sy na 'n hospitaal geneem moet word vir verdere mediese behandeling.
Woordvoerders van die aktrise het nie kommentaar gelewer nie, maar TMZ en RadarOnline het berig dat Locklear dalk voorskrifmedikasie met alkohol gemeng het.
Locklear, wat ook te sien was in die televisiekomedie Spin City, het 'n geskiedenis van depressie en het in 2008 tyd in 'n rehabilitasiesentrum deurgebring.
– Volg Nuus24 op Twitter.
- Reuters