Heather Locklear in 'dokter se sorg'
2012-01-26 20:01
Los Angeles – Die Melrose Place-aktrise Heather Locklear, wat onlangs in die hospitaal was nadat sy voorskrifmedikasie met alkohol gemeng het, is nou in 'n dokter se sorg geplaas.
Locklear het besluit om nie na 'n rehabilitasiesentrum te gaan nie, ten spyte daarvan dat haar vriende en familie bekommerd is oor haar.
'n Bron het aan People magazine gesê haar familie en vriende het nie hoop opgegee nie, maar hulle weet sy moet dit vir haarself doen indien sy beter wil word. "Sy is die enigste een wat dit kan doen."
Locklear het in November haar verlowing aan haar medester in Melrose Placer Jack Wagner ná slegs drie maande verbreek.
Sy is in 2011 in hegtenis geneem en vrygespreek in verband met 'n tref-en-trap ongeluk wat in Kalifornië gebeur het.
Locklear, wat ook te sien was in die televisiekomedie Spin City, het 'n geskiedenis van depressie en het in 2008 tyd in 'n rehabilitasiesentrum deurgebring.
– Bang Showbiz.
– Volg Nuus24 op Twitter.