Harry Potter wil trou
2011-08-22 11:35
Los Angeles – Daniel Radcliffe, die Harry Potter-ster, wil met sy meisie Rosanne Coker trou.
Alhoewel dit eers verlede Vrydag aan die lig gekom het dat Radcliffe in ‘n verhouding met Coker is, is dié twee reeds ‘n jaar saam.
Hulle het mekaar in 2007 op die stel van die film Harry Potter and the Half Blood Prince ontmoet. Coker was deel van die produksiespan.
Sy het hom egter tot verlede jaar laat wag, totdat die verfilming van die finale film Harry Potter and the Deathly Hallows: Part 2 verfilm is, voordat hulle verhouding begin het.
Radcliffe was voorheen al in ‘n verhouding met die Ierse aktrise Laura O'Toole en hy was ook al romanties verbind met Olive Uniacke.
– Bang Showbiz.
– Volg Nuus24 op Twitter.