Halle Berry se eks kry beskermingsbevel

2012-11-27 11:25

Los Angeles – 'n Regter in Los Angeles het 'n tydelike beskermingsbevel aan Halle Berry se ekskêrel toegestaan nadat hy in 'n vuisgeveg met die aktrise se verloofde betrokke was.

Olivier Martinez is beveel om tot ná 'n verhoor op 17 Desember 100 m weg van Gabriel Aubry te bly.

Aubry is Donderdag in hegtenis geneem op aanklag van aanranding nadat hy en Martinez slaags geraak het. Hy het 'n gebreekte rib, verskeie kneusplekke en skrape aan sy gesig opgedoen. Hy is op borgtog van $20 000 (sowat R177 000) vrygelaat.

Aubry beweer in hofdokumente dat Martinez hom Woensdag by 'n middagete by sy dogter se skool gedreig het. Hy het Berry het 'n vierjarige dogter saam.
    
– Volg Nuus24 op Twitter

- Sapa - AP