Halle Berry se bekruiper agter tralies
2012-01-20 10:10
Los Angeles – Die aktrise Halle Berry se bekruiper is tot 386 dae tronkstraf gevonnis.
Richard Franco, wat in Julie verlede jaar in hegtenis geneem is nadat hy onregmatig toegang tot Berry se eiendom verkry het, het 'n ooreenkoms met staatsaanklaers aangegaan.
Franco het reeds 193 dae van sy vonnis uitgedien en moet nog 193 dae lank in die tronk bly.
Volgens TMZ sal Franco, nadat hy sy vonnis uitgedien het, vir vyf jaar op voorwaardelike vrylating geplaas word. Hy moet ook vir 'n jaar sielkundige behandeling ontvang.
Die regter het ook Berry se beskermingsbevel van drie jaar teen Franco verleng wat hom beveel om vir die volgende tien jaar ten minste 200 m weg van die aktrise en haar driejarige dogter Nahla te bly.
Franco was verlede jaar drie keer in drie dae by Berry se eiendom gevang. Hy het op een geleentheid ook by haar gastehuis ingebreek.
– Bang Showbiz.
– Volg Nuus24 op Twitter.