Halle Berry, eks skik ná vuisgeveg

2012-11-30 08:35

Los Angeles – Prokureurs vir die aktrise Halle Berry en haar ekskêrel het gesê dié twee ooreenkoms bereik ná 'n vuisgeveg op Dankseggingsdag by die aktrise se huis.

Gabriel Aubry, Berry se eks, en haar verloofde, Olivier Martinez, het mekaar getakel. Aubry is ná die geveg in hegtenis geneem en het later 'n tydelike beskermingsbevel teen Martinez bekom.

Berry en die model is al maande lank in 'n stryd gewikkel oor toesig oor hul vierjarige dogter.

Blair Berk, Berry se prokureur, en Shawn Holley, wat Aubry verteenwoordig het ná Donderdag se verhoor 'n verklaring uitgereik en gesê die twee partye het 'n gemeenskaplike ooreekoms bereik.

Geen verdere inligting is bekend gemaak nie en die prokureurs het geweier om vrae te beantwoord.

– Volg Nuus24 op Twitter

- Sapa - AP