Guy Ritchie word vierde keer pa

2012-07-20 07:50

Los Angeles – Guy Ritchie en sy meisie, Jacqui Ainsley, het bevestig dat hulle hul tweede kind saam verwag.

Gerugte dat Ainsley, 'n model, swanger is, het Woensdagaand die ronde gedoen toe sy op die rooi tapyt tydens die Europese bekendstelling van die film The Dark Knight Rises gesien is met 'n bababoep.

'n Woordvoerder vir Ritchie het intussen die gelukkige nuus in 'n verklaring bevestig en gesê dié twee se tweede kind sal later vanjaar gebore word.

Ritchie (43) en Ainsley (30) het reeds 'n 10 maande oue seun, Raphael, saam.

Dit sal Ritchie se vierde kind wees. Hy het 'n 11-jarige seun Rocco en aangenome seun David (6) by sy eksvrou Madonna.

Ainsley het verlede maand bekendgemaak sy en Ritchie wil graag nog 'n kind hê en het erken hulle droom albei van 'n groot gesin.

– Bang Showbiz.

– Volg Nuus24 op Twitter.