Guy Ritchie, model verwelkom babadogter

2012-11-29 13:49

Londen – Die Britse filmmaker Guy Ritchie het weer pa geword nadat hy en sy model-verloofde Jacqui Ainsley 'n babadogter in die wêreld verwelkom het.

Die Sherlock Holmes-regisseur en Ainsley het vir die tweede keer saam ouers geword nadat hulle dogter in 'n privaathospitaal in Londen gebore is.

'n Woordvoerder vir Ritchie het die nuus aan die webwerf WENN bevestig.

"Ons kan bevestig Guy en Jacqui is die trotse ouers van 'n babadogter. Ma en baba is gesond."

Ritchie en Ainsley, wat onlangs verloof geraak het, is ook die ouers van 'n seun, Rafael, wat in September 2011 gebore is.

Die regisseur het nóg 'n seun, Rocco (12), by sy eksvrou, Madonna. Dié paartjie het ook 'n aangenome seun, David.

– Lees meer hier

– Volg Nuus24 op Twitter