Grant weer pa

2013-02-18 12:52

Londen – Die Britse akteur Hugh Grant het op Twitter bevestig dat hy vir die tweede keer pa geword het ná 'n koerant sy seun se geboortesertifikaat in die hande gekry het.

Grant het gesê hy is opgewonde om weer pa te word, maar het die media gevra om sy familie met vrede te laat.

Die Chinese aktrise Tinglan Hong is die ma van albei Grant se kinders.

Die 52-jarige akteur was een van die slagoffers van die News of the World-meeluitserskandaal en het sedertdien ‘n kampvegter geword vir meer verantwoordelike beriggewing.

“In antwoord op sekere joernaliste. Ek is opgewonde dat my dogter nou ‘n boetie het. Mal oor albei van hulle. Hulle het ‘n fantastiese ma,” het Grant op Twitter gesê.

Sy twiet was in reaksie op ''n koerantberig dat Felix Chang op 29 Desember in Londen gebore is.

Die paartjie se eerste dogter, Tabitha, is in 2011 gebore.
 
– Volg Nuus24 op Twitter

- Sapa - AFP