Gomez het 'baie gehuil' oor Bieber

2012-11-13 14:57

Los Angeles – Die aktrise Selena Gomez se vriende hoop haar romanse met die popsensasie Justin Bieber is iets van die verlede.

Die paartjie het Vrydag aangekondig dat hulle hul verhouding van twee jaar beëindig het.

Bieber het egter gesê hy sal enigiets doen om met haar versoen te raak.

Gomez se vriende het gesê hulle is verbaas dat die paartjie so lank in 'n verhouding was, omdat sy die afgelope jaar "baie oor hom gehuil het".

"Sy het al soveel keer probeer om met hom uit te maak, maar hulle is later net weer saam," het 'n vriend aan The Sun gesê.

"Dit is nou nie meer 'n geheim nie en dit is die moeilikste. Dit beteken nou daar is 'n kans dat dit dié keer permanent kan wees. Ons verwag dat Justin sal probeer om haar terug te kry en hy kry altyd wat hy wil hê."

– Lees meer hier

– Volg Nuus24 op Twitter