Golden Globes se kykertalle styg
2013-01-15 11:40
Los Angeles – Sondag se uitsending van die Golden Globes het die meeste kykers vir dié program in ses jaar gelok, het die uitsaaier NBC Maandag gesê.
Die drie uur lange uitsending op NBC het, in vergelyking met verlede jaar se program, 28% meer kykers in die ouderdomsgroep van 18-49 gelok.
Volgens syfers wat deur Nielsen Media Research bekend gemaak is, het die program se algehele kykertal met 17% gestyg.
Sowat 19,7 miljoen Amerikaners het na die toekennings gekyk, wat deur die aktrises Tina Fey en Amy Poehler aangebied is, vergeleke met 16,8 miljoen kykers verlede jaar.
Die groot wenners op die aand was Les Miserables, wat met drie toekennings vereer is, en die gyselaarsdrama Argo, wat die toekenning vir Beste Drama en Beste Regisseur (Ben Affleck) gewen het.
– Volg Nuus24 op Twitter
- Reuters
