Gespot oor liefde kry Taylor Swift onder
2013-01-22 15:01
Los Angeles – Die Love Story-sangeres Taylor Swift is genoeg in die kollig om te weet hoe om kritiek te hanteer – maar 'n vriend na aan die ster sê die gereelde gespot oor haar liefdeslewe is besig om haar onder te kry.
Die sangeres, wat al met Jake Gyllenhaal, John Mayer en meer onlangs One Direction se Harry Styles in 'n verhouding was, was glo bitter ontsteld toe die aanbieders van die Golden Globes-seremonie, Tina Fey en Amy Poehler, grappies oor haar liefdeslewe gemaak het.
“Sy het daaroor gelag, maar die grappies wat by die Golden Globes gemaak is, het haar ontstel,” het ‘n bron aan RadarOnline gesê.
Die 23-jarige Swift, wat ook met Conor Kennedy, Taylor Lautner en Joe Jonas uitgegaan het, is bekend daarvoor dat sy haar verhoudings as inspirasie gebruik vir haar liedjies.
"Sy wil regtig moeite doen om stadiger te beweeg en om nie van kêrel na kêrel te spring nie," het die bron gesê.
– Volg Nuus24 op Twitter
