George Michael sing vir medici wat hom gered het

2012-09-05 16:15

Londen – Die sanger George Michael het die mediese span van Wenen tydens sy toer in die Oostenrykse stad bedank wat hom gehelp het om van sy longontsteking te herstel.

Michael het liedjies gesing wat die mediese persooneellede versoek het.

Hy het glo 1 000 kaartjies aan die hospitaal geskenk sodat personeellede sy vertoning kon bywoon.

Verskeie dokters, verpleërs en spesialiste, wat na Michael omgesien het, het die vertoning bygewoon.

Maar met sy toestemming is sowat 700 van die kaartjies verkoop sodat geld vir 'n long-navorsingsentrum ingesamel kan word.

Michael het 'n maand in die intensiewe sorgeenheid van die hospitaal deurgebring en was genoop om 'n reeks toerdatums te kanselleer.

– Sky News.

– Volg Nuus24 op Twitter.