Clooney ontken gerugte oor verhouding

2012-09-12 13:40

Los Angeles – 'n Woordvoerder vir George Clooney het 'n berig ontken wat beweer die akteur en sy meisie, Stacy Keibler, is nie meer 'n paartjie nie.

Gerugte het die ronde gedoen dat Clooney, wat in Julie 2011 met Keibler begin uitgaan het, sy verhouding beëindig het nadat dié twee tyd saam by sy huis in Lake Como, Italië deurgebring het.

Volgens The Sun in Brittanje het Clooney glo weer koue voete gekry omdat hy bang is om hom tot 'n verhouding te verbind.

'n Woordvoerder vir Clooney het egter gesê die storie is 'n "totale versinsel om koerante te verkoop".

– Contact Music.

– Volg Nuus24 op Twitter.