Gene Hackman klap 'aggresiewe' hawelose

2012-10-31 15:05

Santa Fe – Die polisie in die Amerikaanse staat Nieu-Mexiko het gesê die Hollywood-ster Gene Hackman het uit selfverdediging opgetree toe hy 'n hawelose man, wat aggresief was teenoor hom en sy vrou, geklap het.

Die Albuquerque Journal  het berig dat die voorval Dinsdagmiddag in Santa Fe plaasgevind het.

Die polisie het nie onmiddelik enige bykomende inligting beskikbaar gestel nie.

Hackman en sy vrou het 'n huis in Santa Fe.

Die 82-jarige akteur is met twee Oscars bekroon en is vir drie ander benoem in 'n loopbaan wat oor vyf dekades strek.

Hackman het in 1971 'n Oscar vir sy voorstelling van Jimmy "Popeye" Doyle in The French Connection gewen en in 1992 het hy die Oscar vir beste ondersteunende akteur vir Unforgiven ontvang.

Volg Nuus24 op Twitter.

- Sapa - AP