Gehore vra vir meer geweld
2009-11-18 11:38
Los Angeles – Gewoonlik word Hollywood regisseurs gevra om die geweld in hul flieks af te skaal.
Peter Jackson het presies die teenoorgestelde ervaar toe hy gevra is om sy nuwe fliek, The Lovely Bones, meer geweldadig te maak.
Die fliek is gebaseer op Alice Sebold se boek, The Lovely Bones, wat die storie vertel van ‘n meisie wat op die ouderdom van 14 verkrag en vermoor is.
Na haar dood, kyk sy neer op haar familie en geliefdes en aanskou hoe hulle haar dood betreur en haar moordenaar probeer opspoor.
Jackson was stomgeslaan met die gehoor se reaksie op The Lovely Bones na ‘n vroeë vertoning.
Hulle was “net nie tevrede” met ‘n sekere toneel nie en wou hê dit moet meer geweldadig wees.
Jackson was genoodsaak om terug te gaan en meer “lyding en geweld” by te voeg.
Peter Jackson het bekendheid verwerf as regisseur van The Lord of the Rings, ‘n fliek wat getrou gebly het aan die oorspronklike Tolkien verhaal.
Juis om die rede, was hy die gunsteling keuse vir die regie van The Lovely Bones, ‘n topverkoper boek.
- Reuters