Geen gemene spel vermoed ná regisseur se dood

2013-01-09 09:15

Johannesburg – Die polisie het gesê geen gemene spel word vermoed ná die regisseur David R Ellis dood gevind is nie.

Ellis is Maandag in die ouderdom van 60 dood in 'n hotelkamer in Johannesburg gevind.

Die polisie het bygevoeg dat die 60-jarige Ellis, regisseur van rolprente soos Snakes on a Plane, Saterdag die laaste keer deur ‘n vriend by ‘n restaurant gesien is.

Lungelo Dlamini, ‘n polisiewoordvoerder, het gesê niks is uit Ellis se kamer gesteel nie, en dat daar geen gemene spel vermoed word nie.

Die oorsaak van sy dood is steeds onbekend.

Ellis was in Johannesburg besig om aan sy nuwe rolprent, Kite, te werk. Samuel L. Jackson speel 'n rol daarin.

– Volg Nuus24 op Twitter
 

- AP