Geen 'beste fliek' vir Invictus
2010-02-04 02:06
Johannesburg – Die akteur Morgan Freeman het gesê hy is teleurgesteld dat Clint Eastwood se Invictus, wat handel oor die 1995 Wêreldbeker-rugbytoernooi, nie ‘n Oscar-benoeming vir beste rolprent ontvang het nie.
Freeman, wat vir beste akteur vir sy vertolking van Nelson Mandela benoem is, het aan Radio 702 gedurende ‘n onderhoud gesê, “ek voel goed oor my benoeming maar kan nie verstaan hoekom Invictus nie vir beste rolprent benoem is nie".
Dié eer het wel aan nog 'n Suid-Afrikaanse rolprent, District 9 gegaan wat boonop vir ook in die kategorie vir beste visuele effekte, verwerkte draaiboek én redigering benoem is.
Terwyl Invictus met groot name soos Freeman en Matt Damon kan spog, bestaan District 9 se rolverdeling uit relatief onbekende Suid-Afrikaanse akteurs.
- Sapa