'Gangnam Style' haal rekordboeke

2012-11-13 12:29

Londen – Die Koreaanse popkunstenaar Psy se "Gangnam Style"-video is amptelik die gewildste video op YouTube, ná dit die meeste "Likes" op dié webwerf gelok het.

YouTube-gebruikers kan aandui dat hulle van 'n spesifieke video hou deur op 'n "Like"-opsie onder die video te klik.

Die wêrelwye fenomeen was vandeesweek in Londen om sy treffer te bespreek en het ook sy sertifikaat van die Guinness World Records ontvang.

LMFAO se "Party Rock Anthem" is in die tweede plek met 1 574 963 "likes" en Justin Bieber se debuutliedjie "Baby" is in die derde plek, met 1 327 147.

"Gangnam Style" het egter met 4 911 081 "likes" kop en skouers bo die ander twee uitgestaan. Die liedjie is meer as 680 miljoen keer op YouTube gekyk sedert dit in Julie gelaai is.

"Ek voel geëerd. Dit is die eerste sertifikaat wat ek ooit ontvang het, ek het nooit een op skool ontvang nie," het hy gesê.

– Lees meer hier

– Volg Nuus24 op Twitter