GaGa en West laat oë rek
2009-09-26 00:13
Los Angeles - Die omstrede Lady GaGa en Kanye West het al weer die skindertonge aan die gons. Dié keer oor 'n reklame oor hul "Fame Kills"-toer.
Dié reklame is 'n internetadvertensie van sowat 30 sekondes waar GaGa sonder 'n bo-stuk in die arms van 'n Afro-Amerikaanse man, glo West, lê.
West het dié promosie op sy blog bekendgestel, met die woorde: "Wat het van al die rocksterre geword? Roem het hulle doodgemaak".
Kaartjies vir dié toer is van Woensdag af te koop.
West en GaGa is albei vir hul rol tydens die MTV- musiekvideotoekennings wat in New York gehou is, gekritiseer.
West het in die middel van Taylor Swift se aanvaardingstoespraak op die verhoog gestorm het. GaGa het die gehoor geskok met 'n bloederige vertoning van Paparazzi, wat geëindig het toe sy leweloos bo die verhoog hang.
– starpulse.com
Die video verskyn hieronder. Wees egter gewaarsku: dit bevat beeldmateriaal wat nie vir minderjariges geskik is nie.