Freddy g'n nagmerrie op loket
2010-05-03 16:28
Hollywood - A Nightmare on Elm Street, waarin fliekflooie die terugkeer van Freddy Krueger, die booswig met die lem-vingers, kan aanskou, het tydens sy eerste naweek op die loket goeie geld ingeoes.
In die VSA het hierdie gruwelfilm sowat $32,2 miljoen (R238 miljoen) gemaak.
Die seisoen van lokettreffers het afgeskop met Paramount Pictures se Iron Man 2, wat tydens sy eerste naweek in bioskope sowat $100 miljoen (R740 miljoen) wêreldwyd ingepalm het.
Die Freddy Krueger-verhaal het Vrydag alleen bykans $16 miljoen gemaak, aansienlik meer as verlede jaar se groot gruwelfilm Friday the 13th.
Dan Fellman, een van Warner Bros. se vise-presidente, het die sukses van Nightmare se openingsaand toegeskryf aan die getroue aanhangers van die Freddy Krueger franchise. "Wanneer jy so 'n franchise besit, kan die aanhangers nie wag om daardie eerste aand die fliek te sien nie," het hy gesê.
- Besoek Variety vir die volledige berig.