Forrest Gump nou 'n kultuurskat
2011-12-28 19:04
Washington, DC – Die bekende filmkarakter Forrest Gump sal eersdaags pryk in die wêreld se grootste argief van rolprente, televisie- en klankopnames.
Die Amerikaanse kongresbiblioteek het Woensdag aangekondig dat die trefferfliek Forrest Gump met Tom Hanks, wat in 1994 uitgereik is, een van 25 rolprente is wat gekies is om in die VSA se nasionale rolprentregister opgeneem te word.
Die oudste rolprente wat by die lys ingesluit sal word is twee klanklose rolprente, albei uit 1912. The Cry of the Children handel oor kinderarbeid en A Cure for Pokeritis het die filmbedryf se eerste komiese superster, John Bunny, in die hoofrol.
Ook Charlie Chaplin se eerste vollengte-rolprent, The Kid, is ingesluit.
Die Amerikaanse kongresbiblioteek kies elke jaar 25 rolprente wat "kultureel, histories en esteties" belangrik is. Altesaam 2 228 rolprente is in 2011 benoem.
Ander rolprente wat gekies is sluit in die Disney-tekenprent Bambi, wat in 1942 gemaak is, sowel as 1991 se The Silence of the Lambs, en die oorspronklike rolprentweergawe van War of the Worlds, wat in 1953 die eerste keer gedraai het.
– Volg Nuus24 op Twitter.
- Sapa - AP