Films van Cape Town Film Studios begin op silwerdoek draai
2012-02-10 23:01
Kaapstad – Die eerste rolprente wat by die fasiliteite van die Cape Town Film Studios vervaardig is, het wêreldwyd op die silwerdoek begin draai, het RSG Vrydag berig.
Een van die rolprente, Cronicle, is 'n week gelede in Amerika vrygestel en is baie gewild.
Dié superheld-rolprent , sowel as die aksie-riller Safe House, word vandag in Suid-Afrika bekendgestel.
Die uitvoerende hoof van die Cape Town Film Studios, Nico Dekker, sê Suid-Afrika het 'n lewensvatbare opsie vir internasionale rolprentmakers geword, wat onder ernstige finansiële druk is.
Hy sê hulle het bewys dat veeleisende rolprente plaaslik vervaardig kan word.
– RSG
– Volg Nuus24 op Twitter