Famlies het gedink Stewart, Pattinson staan op trou

2012-08-01 13:48

Los Angeles – Robert Pattinson en Kristen Stewart se families is verstom oor haar erkenning dat sy hom verneuk het.

Die aktrise het verlede week in die openbaar verskoning gevra aan haar kêrel nadat sy erken het dat sy en Rupert Sanders, regisseur van die film Snow White and the Huntsman, 'n skelm verhouding gehad het.

Dié nuus het as 'n groot skok gekom vir Pattinson en Stewart se geliefdes omdat hulle verwag het dat hulle sou trou. 

"Rob en Kristen was onlangs nader aan mekaar as ooit, en tot hierdie week het die familie verwag hulle sou trou," het 'n bron gesê.

Volgens People Magazine het die 26-jarige Pattinson intussen uit die herehuis in Los Angeles getrek wat hy met Stewart deel.

Pattinson is glo veral ongelukkig omdat sy agent aanvanklik die nuus oor Stewart se ontrouheid met hom gedeel het, pleks daarvan dat sy hom self vertel het.

Pattinson het glo ná hy die skokkende nuus ontvang het, na die Verenigde Koninkryk teruggekeer.

– Bang Showbiz.

– Volg Nuus24 op Twitter.