Faf du Plessis vra die jawoord

2012-12-11 11:11

Faf du Plessis en sy verloofde, Imari Visser. (Foto: Twitter)

Kaapstad – Die krieketheld Faf du Plessis en sy vriendin, Imari Visser, is verloof.

"Ek het geen woorde nie... Die man van my drome het my pas gevra om met hom te trou!!!" het 'n opgewonde Visser Maandagaand op Twitter geskryf.

Du Plessis het ook die goeie nuus met sy aanhangers op Twitter gedeel.

"In ander nuus... Ek is verloof aan @imarivisser. Die mees romantiese dag van my lewe!!!!#shinebrightlikeadiamond"

Du Plessis (28) en die 25-jarige Visser, 'n bemarkingsassistent by Nimue Skin SA, is al sewe jaar lank saam en die krieketster het verlede maand in 'n onderhoud laat blyk dat hy die jawoord gaan vra.

"Wanneer jy 'n jong man van 21 is, haal jy diep asem as jy troupraatjies hoor, maar ek en Imari is al sewe jaar lank saam en ek dink dit is om die draai, dit is baie naby," het Du Plessis in 'n onderhoud met iol gesê.

– Volg Nuus24 op Twitter

- Nuus24