Elton John word weer pa
2013-01-16 11:21
Londen – Die legendariese sanger sir Elton John het bevestig dat hy vir die tweede keer pa geword het.
Gerugte het verlede week die ronde gedoen dat die sanger en sy lewensmaat, David Furnish, nog 'n baba in die wêreld verwelkom het, maar 'n verteenwoordiger van die paartjie het Donderdag die berigte ontken.
Die nuutste toevoeging tot die paartjie se gesin, Elijah Joseph Daniel Furnish-John, is Vrydag in Los Angeles gebore, het die musieklegende bevestig.
"Albei van ons wou graag kinders hê, maar die feit dat ons nou twee seuns het, is byna onwerklik. Die geboorte van ons tweede seun rond ons gesin perfek af.
"Dit is moeilik om te sê hoe ons nou voel. Ons is net oorstelp van blydskap en opgewondheid," het die paartjie in 'n verklaring aan die tydskrif Hello! gesê.
Die paartjie se eerste seun, Zachary, is op Kersdag in 2010 gebore.
– Lees meer hier
– Volg Nuus24 op Twitter
