Ellen DeGeneres kla oor borspyne
2011-09-27 17:57
Los Angeles – Die kletskoningin Ellen DeGeneres het paramedici Maandag na haar ateljee in Los Angeles ontbied nadat sy borspyne begin ervaar het.
“Ek weet nie wat dit was nie, maar ek voel nou heel goed,” het DeGeneres aan haar gehoor gesê slegs ‘n paar uur nadat paramedici haar ondersoek het.
Gerugte oor die gesondheid van die komediant het Maandag die ronde begin doen toe die skinderwebwerf TMZ.com berig het paramedici is na Degeneres se ateljee ontbied nadat sy oor borspyne begin kla het.
Die 53-jarige DeGeneres is nie in die hospitaal opgeneem nie.
“Ek het in die middel van die nag wakker geskrik en ‘n swaarheid op my bors begin voel. Toe ek by die werk kom, het ek steeds die gevoel ervaar en dis toe die paramedici ontbied is.”
– Volg Nuus24 op Twitter.
- Reuters