Eerste Fiestas was ‘n makietie om te onthou
2011-02-04 13:28
Kaapstad - Die
eerste kykNET Fiestas is Donderdagaand in die Kunstekaap-operahuis in
Kaapstad oorhandig.
Tydens
die geselligheid is Afrikaanse kunstenaars wat verlede jaar op die verhoog en
agter die skerms goed presteer het, vereer en hulde gebring aan Afrikaanse
feeste wat ’n platform vir nuwe produksies bied.
Karen
Meiring, kanaalhoof van kykNET, glo dat teater en televisie nie in isolasie kan
funksioneer nie, en dat dit belangrik is om erkenning te gee aan die
ongelooflike werk wat in die Afrikaanse teater en vermaaklikheidsbedryf gelewer
word. Die talent en kreatiwiteit spreek boekdele van die stand van Afrikaans en
die ryk toekoms wat voorlê.
Die
produksie As die broek pas het goed gevaar en pryse ontvang in die kategorieë
beste aanbieding, beste teaterontwerp, beste prestasie in ’n solovertoning en
beste aktrise.
Nicola
Hanekom het Fiestas gewen in die kategorieë beste nuutgeskepte Afrikaanse
opvoering en beste regie vir haar produksie Betésda.
Die Argitekbekke se produksie Afrikaaps het weggestap met Fiestas vir Moenier
Adams as beste opkomende kunstenaar en vir die beste musiekgedrewe produksie.
Daar is ook drie gewildheidspryse toegeken: Die US Woordfees het gewen as
gewildste fees, die Hatfield Karnaval vir die gewildste musiekgebeurtenis, en
Bobby van Jaarsveld is aangewys as die gewildste Fiesta-gasaanbieder vir 2010.
Die
volledige lys van wenners is:
- Beste opkomende kunstenaar: Moenier Adams vir sy
vertolking in Afrikaaps.
- Beste teaterontwerp: Marthinus Basson vir sy
stelontwerp in As die broek pas.
- Beste Fiesta-aanbieder: Bobby van Jaarsveld.
- Beste spel in ’n solovertoning: Antoinette Kellermann
vir haar vertolking in As die broek pas.
- Beste regie: Nicola Hanekom vir Betésda.
- Beste prestasie in klassieke musiek: James Grace vir
Around the World in 60 Minutes.
- Gewildste musiekgebeurtenis: Hatfield Karnaval.
- Beste prestasie in ’n musiekgedrewe produksie:
Afrikaaps.
- Beste byspeler: Theodore Jantjies vir sy vertolking in
Vaselinetjie.
- Beste vrouebyspeler: Bettie Kemp vir haar vertolking in
Dood van ’n verkoopsman.
- Beste akteur: André Odendaal vir sy vertolking in
Magspel.
- Beste aktrise: Antoinette Kellermann vir haar
vertolking in As die broek pas.
- Gewildste fees: Woordfees.
- Beste nuutgeskepte Afrikaanse opvoering: Nicola Hanekom
vir Betésda.
- Beste aanbieding: As die broek pas.
- Bettie Kemp is bekroon as beste byspeler vir haar spel
in Dood van ’n verkoopsman
Die Fiestas word Saterdag om 20:30
op kykNET uitgesaai.
-Volg Nuus24 op Twitter.