En die wêreld se mees oorbetaalde akteur is...
2012-12-05 13:42
Los Angeles – Eddie Murphy is volgens die tydskrif Forbes die wêreld se mees oorbetaalde akteur.
Die 51-jarige ster, wie se onlangse rolprente soos Imagine That, A Thousand Words en Meet Dave almal as floppe beskou word, is glo glad nie meer gewild by die loket nie.
Ten spyte van dié feit word hy egter steeds sakke vol geld betaal om in groot rolprente te speel.
Vir elke $1 wat ‘n rolprent vir Eddie betaal, maak daardie rolprent slegs $2,20.
Die 27 Dresses-aktrise Katherine Heigl is tweede op die lys van Hollywood se mees oorbetaalde akteurs. Haar mees onlangse rolprent, One for the Money, het net $37 miljoen (sowat R325 miljoen) by die loket verdien, terwyl dit $40 miljoen (sowat R351 miljoen) gekos het om te maak. Haar ander onlangse rolprente het ook nie te waffers gevaar nie.
Reese Witherspoon, van Walk the Line-faam, het ook die lys gehaal. Ander name op die lys sluit in Sandra Bullock en Jack Black.
Die Toptien mees oorbetaalde akteurs in Hollywood volgens Forbes is:
1. Eddie Murphy
2. Katherine Heigl
3. Reese Witherspoon
4. Sandra Bullock
5. Jack Black
6. Nicolas Cage
7. Adam Sandler
8. Denzel Washington
9. Ben Stiller
10. Sarah Jessica Parker
– Lees hier meer.
– Volg Nuus24 op Twitter
