Denzel lugtig vir die bottel

2013-01-28 14:09

Los angeles – Die 58-jarige Denzel Washington vertolk wel die rol van ‘n dronk vlieënier wat dwelms gebruik in die rolprent Flight – maar ná ‘n slegte ervaring toe hy jonger was, sal hy nooit alkohol gebruik voor die verfilming van ‘n toneel nie, het hy gesê.

“Ek het in die tagtigs in Londen aan die rolprent For Queen and Country gewerk, en daar was ‘n toneel waar ons moes drink. Ek en die ander jong akteur sê toe vir mekaar: ‘Man, kom ons drink regtig.’

“Ons het whisky gehad en gedink als is reg, toe sê die regisseur: ‘Wat is fout met julle ouens?’

“Ons het gedink ons is wild, maar ons was eintlik net dom. Die regisseur was woedend en dit het my ‘n les geleer.

“Dit was die laaste keer wat ek ooit gedrink het terwyl ek werk, want dit werk nie.

“Ek het al saam met akteurs gewerk wat daardie lyn oorsteek en dit is net nie die moeite werd nie. Jy dink jy gee 100%, maar jy is nie op jou beste nie.”

– Volg Nuus24 op Twitter
 

- BangShowBiz