Drama oor Michael Jackson se kinders
2012-07-25 09:03
Londen – Sekuriteit vir Michael Jackon se kinders is opgeskerp ná 'n voorval Maandag by hul huis.
Jackson se broers en susters, Jermaine, Randy en Janet, het glo probeer om Prince Michael (15), Paris (14) en Blanket (10) van hul ouma, Katherine, se huis te verwyder waar haar neef Trent na hulle kyk.
Trent het intussen die sekuriteit by die huis opgeskerp.
'n Bron het aan RadarOnline gesê: "Na gister se debakel het Trent besluit Paris, Prince en Blanket benodig meer beskerming van Jermaine, Randy en Janet. Hy wil nie hê Michael se kinders moet uit die huis gegryp word nie so hy het aan die sekuriteit by die voorste hek gesê om niemand toe te laat wat nie genooi is nie.
"Trent het ook gevoel dit is in die kinders se beste belang om ekstra lyfwagte aan te stel.
"Hy is baie bekommerd dat 'n ontvoering dalk beplan word."
Katherine se prokureur, Sandra L. Ribera, het Dinsdag 'n verklaring uitgereik en die voorval by die huis in Kalifornië bevestig.
Sy het gesê lede van die Jackson-familie se voertuig het deur die sekuriteitshekke by Katherine Jackson se huis gejaag en was op die hakke van die sportnutsvoertuig waarin Michael Jackson se kinders gery het.
Katherine is tans in Arizona by haar dogter Rebbie hoewel Trent haar Sondag as vermis aangemeld het.
Die polisie in Arizona het later bevestig dat Katherine veilig en gesond is. Volgens familielede is hulle bekommerd oor Trent se invloed op haar en dit is die rede hoekom hulle die kinders uit haar sorg wou verwyder.
Die sekuriteit het verhoed dat die kinders van die huis geneem word. Die polisie is ingeroep waarna Jermaine, Randy en Janet gevra is om die perseel te verlaat.
– Bang Showbiz.
– Volg Nuus24 op Twitter.
