Downey Jr beseer op Iron Man-stel

2012-08-16 14:35

Los Angeles – Die produksie van Iron Man 3 is tydelik tot stilstand gebring nadat Robert Downey Jr tydens die verfilming van 'n toneel beseer is, het Marvel gesê.

Die 47-jarige akteur, wat die rol van Tony Stark/Iron Man in die reeks vertolk, het tydens die verfilming van 'n toneel 'n enkelbesering opgedoen.

Marvel Studios, die vervaardigers van die Iron Man-flieks, het bevestig dat die produksie van die fliek vir 'n rukkie vertraag sal wees.

Nie Disney of Marvel het bekend gemaak wanneer die produksie van die fliek weer hervat sal word nie. Die fliek word 3 Mei 2013 vrygestel.

Dit is die vierde keer dat Downey Jr die rol van die superheld gaan speel. Hy het die rol in die eerste twee flieks van die reeks gespeel en was ook vroeër vanjaar in die bekroonde The Avengers te sien.

Gwyneth Paltrow sal haar rol as Virginia Pepper Potts hervat, terwyl sir Ben Kingsley bevestig is as die fliek se skurk, The Mandarin. Don Cheadle sal weer in die rol van James Rhodes/War Machine te sien wees.

– Volg Nuus24 op Twitter

- BangShowBiz