Douglas kan stem verloor
2010-08-18 20:46
Los Angeles - Die akteur Michael Douglas kan sy stem weens keelkanker verloor, terwyl sy vrou, Catherine Zeta-Jones, veg om die familie bymekaar te hou, berig Dailymail.co.uk.
Gedurende die lang, warm weke van Lente in New York het Michael Douglas ewe skielik so oud soos hy is begin lyk.
Hy het saam met sy seun Cameron, wat van dwelmhandel aangekla is, hof toe gegaan. Dit was duidelik dat die akteur gewig verloor het. Hy het grys en moeg voorgekom.
Soos die somer voortgeduur het, het Douglas al hoe meer broos en moeg begin lyk, terwyl sy vrou ook tekens van ongelooflike spanning begin wys het.
Die akteurs wat saam met Zeta-Jones in die Broadway-produksie A Little Night Music opgetree het, het opgemerk dat sy teen die einde van Julie gesukkel het om haar woorde te onthou. In ‘n stadium het dit selfs geklink asof die 40-jarige se tong sleep.
Dié gedrag is deur waarnemers toegeskryf aan Cameron wat eindelik vyf jaar tronkstraf opgelê is. Maar nou weet ons die hele verhaal agter hoekom haar man so siek gelyk het en hoekom sy so wisselvallig opgetree het.
Dit Blyk Douglas het ‘n paar weke gelede uitgevind sy seer keel en slukprobleme dui op ‘n ernstige probleem.
Die akteur, wat 65 jaar oud is en dekades lank gerook het, het ‘n gewas in sy keel. Nadat dit ondersoek is, is daar besluit op ‘n agt week lange kursus van chemoterapie en radioterapie.
Die doel van hierdie terapie is dat dokters kan vermy om ‘n operasie op sy larinks uit te voer. Dit is waarskynlik sy beste kans om sy stem te behou, aangesien die gewas blykbaar al erg gegroei het.
Lees meer by Dailymail.co.uk.