Doherty se band weer bymekaar
2010-04-02 02:49
Kaapstad – The Libertines, Pete Doherty se band, het die week vir die eerste keer in ses jaar weer gespeel.
Daar is ook allerhande beloftes gemaak dat dié groep skobbejakke besluit het om ‘n nuwe blaadjie om te slaan.
The Libertines het twee albums uitgebring voor hulle in 2004 opgebreek het.
Hulle kon blykbaar nie met Pete Doherty se wispelturige gedrag saamleef nie.
Aanhangers kan egter daarna uitsien om hulle by Brittanje se Leeds en Reading musiekfeeste in Augustus te sien optree.
Doherty het gesê hy is “vreeslik opgewonde” en sien blykbaar baie uit na dié konserte.
Hy het bygevoeg dat dit wel probleme kan veroorsaak en dat hulle maar net moet eerlik wees met mekaar.
Koerante het verlede week berig dat Doherty deur die polisie in hegtenis geneem is na die dood van ‘n 27-jarige Britse erfdogter.
Hulle het vermoed dat hy dwelms aan haar verskaf het.
– Sapa