Django Unchained kraai koning by loket
2013-01-22 17:53
Los Angeles – Quentin Tarantino se Django Unchained was die afgelope naweek die topverdiener by die loket nadat die rolprent $56,34 miljoen (sowat R497 miljoen) wêreldwyd verdien het.
Django Unchained, wat verlede week in negende posisie was, het tot nommer een geklim nadat die fliek in 54 nuwe lande, insluitend Suid-Afrika, begin draai het.
Die film, met Jamie Foxx, Christoph Waltz en Leonardo DiCaprio in die rolverdeling, het nou altesaam $186,76 miljoen (sowat R1,6 miljard) verdien.
Die riller Mama het in die tweede plek geëindig. Die Guillermo del Toro-rolprent het $29,12 miljoen (sowat R257 miljoen) verdien in net sewe lande. Dit is ‘n kortkop voor Les Misérables, wat $27,21 miljoen (sowat R240 miljoen) verdien het.
Life of Pi, wat die vorige naweek eerste was, is nou in die vierde plek.
– Volg Nuus24 op Twitter
- AFP
