Dié akteurs word te veel betaal
2011-11-04 23:03
Los Angeles – 'n Peiling wat deur Forbes.com gedoen is het bevind die aktrise Drew Barrymore en akteur Eddie Murphy word te veel betaal.
Top-sterre verdien dikwels miljoene dollars met 'n enkele rolprent, maar dit word gewoonlik geregverdig deur die inkomste wat die fliek by die loket maak, berig Jip.
Wanneer die fliek 'n flop is, is dit egter 'n ander storie.
Die peiling het gekyk na die hoeveelheid geld wat 'n aktrise of akteur verdien in vergelyking met die hoeveelheid wat haar of sy flieks inbring.
Drew Barrymore is volgens die peiling die ster wat die meeste oorbetaal is, met Eddie Murphy kort op haar hakke. Barrymore se onlangse flieks, Going the Distance, Everybody's Fine en Whip It, het teleurstellend by die loket gevaar, maar sy het nogtans 'n klomp geld verdien.
Ander akteurs wat volgens die peiling ook te veel betaal is, is Nicolas Cage, Nicole Kidman, Denzel Washington, Reese Witherspoon en Will Ferrell.
– Volg Nuus24 op Twitter.
