Diddy se maatskappy hof toe oor stellasie
2010-01-01 06:58
New York - Die maatskappy agter die musiekster Sean "Diddy" Combs se klerereeks het 'n probleem by hul belangrikste winkel in New York – 'n stellasie wat al drie jaar lank oor die winkel hang.
Die maatskappy, wat die rapper se Sean John-klerereeks behartig, het die eienaar van die gebou in Manhattan Woensdag hof toe gesleep.
Die maatskappy, Christian Casey LLC, sê die stellasie hang voor die winkel se vensters, en beïnvloed dus die winkel se inkomste.
Die maatskappy eis ten minste $2.5 miljoen (R18.4 mijoen) in skadevergoeding van die gebou se eienaar, en wil ook die huurkontrak van sowat $660 000 per jaar (R4.8 miljoen) beëindig.
'n Maatskappy in Delaware wat as agent optree vir die eienaar van die gebou het Donderdag versuim om op The Associated Press se telefoonnavrae te reageer.
– Sapa-AP