Depradieu nié hof toe oor dronkbestuur-klag

2013-01-08 14:27

Parys – Die Franse akteur Gerard Depardieu se prokureur het gesê sy kliënt sal nie 'n hofsitting vir sy dronkbestuursaak bywoon nie.

Eric de Caumont het aan joernaliste bevestig dat sy kliënt nie sal opdaag nie.

Aanklagte van dronkbestuur is verlede November teen die 64-jarige ster gemaak ná hy in Parys van sy bromponie afgeval het omdat hy glo onder die invloed van drank was.

Depardieu het die afgelope tyd gereeld die nuus gehaal. Die president van Rusland, Vladimir Putin, het hom verlede Saterdag 'n Russiese paspoort gegee.

Dit volg ná hy in Desember gedreig het om sy Franse paspoort in te handig ná die premier, Jean-Marc Ayrault, hom gekritiseer het omdat hy weens belastingoorwegings na België wou verhuis.

– Volg Nuus24 op Twitter
 

- Sapa - AP