Denzel beskeie oor sesde Oscar-benoeming

2013-01-18 16:20

Londen – Die Oscar-bekroonde akteur Denzel Washington aanvaar nie sy sesde benoeming vir dié toekenning as vanselfsprekend nie en sê hy is net bly mense waardeer steeds sy werk.

Washington, wat Donderdagaand in Londen was vir die première van die rolprent Flight, is benoem vir die Oscar-toekenning vir beste akteur. Washington vertolk die rol van die vlieënier Whip Whitaker, 'n alkoholis.

Die 58-jarige Amerikaner is in 1989 vir Glory en in 2001 vir Training Day met die toekenning vereer. Hy is voorheen ook benoem vir City Freedom, Malcolm X en The Hurricane.

Washington het gesê dit "voel goed om te weet dat mense nog waardeer wat jy doen".

Nadat hy vlieënier by sy lang lys rolprent-beroepe gevoeg het, waarheen kan Washington volgende gaan?

"Ek weet nie, wat bly oor? Die melkman?" het hy geskerts.

Flight word op 1 Februarie in die Verenigde Koninkryk en Ierland vrygestel.

– Volg Nuus24 op Twitter

- Sapa - AP