Dennis Hopper se seun van verkragting beskuldig

2012-08-01 15:53

Los Angeles – Henry Hopper word beskuldig van verkragting

Die 21-jarige seun van die ontslape akteur Dennis Hopper het glo ‘n 15-jarige meisie seksueel aangerand ná hy haar na sy huis toe gelok het met alkohol en dwelms.

In ‘n nuwe siviele geding wat deur die meisie, wat nou sestien is, se ma gemaak is word beweer dat die die akteur “aanstootlike seksuele gedrag” met haar dogter uitgevoer het insluitend seksuele omgang, geforseerde orale seks en sodomie.

Hopper jnr. het na bewering maande lank met die meisie via Facebook gekommunikeer.

Daar word ook beweer dat sy al talle kere by sy huis gaan kuier het ná sy in Februarie 2011 aan hom voorgestel is.

Die meisie se prokureur het gesê dat Henry “gemaak het asof hy vir ‘n jong meisie omgee, haar ná sy huis toe gelok het met beloftes van alkohol en dwelms en toe herhaaldelik voordeel uit haar jeug en kwesbaarheid probeer put het.”

Die meisie se ma beweer ook haar dogter moes vir sielkundige behandeling gaan.

Dit is nie duidelik of die saak ooit by die polisie gerapporteer was nie.

– Volg Nuus24 op Twitter
 

- BangShowBiz