Demi suur oor Ashton en Mila

2013-02-08 16:50

Los Angeles – Demi Moore is glo steeds ontsteld oor  haar en Ashton Kutcher se verhouding wat skipbreuk gely het.

Die aktrise (50) haat ook glo die feit dat Kutcher weer so gou liefde gevind het by sy That 70s's Show-medester Mila Kunis.

“Demi wil net kan aanbeweeg met haar lewe, maar sy is regtig, regtig ontsteld oor Ashton en Mila.

Dit vreet haar op elke keer dat sy van hulle hoor of as sy foto’s van hulle saam sien,” het ‘n bron aan RadarOnline gesê.

“Sy doen als wat sy kan om haar lewe ten volle te leef, maar dit is moeilik om aan te beweeg want sy voel nog iets vir Ashton.”

“Demi wens ook dat dinge ander met haar dogters was; sy is lief vir hulle, maar hulle praat steeds nie met haar nie en sy weet nie hoe om dinge reg te maak nie.”

– Volg Nuus24 op Twitter