Demi en Ashton skei nog nie

2012-11-01 12:43

Los Angeles – Ashton Kutcher en Demi Moore het glo nog geen stappe geneem om hul huwelik te beëindig nie.

Nie Ashton óf Demi het al aan hul prokureurs 'n aanduiding gegee dat hulle amptelik wil skei nie, het die vermaakwebwerf TMZ berig.

Die akteurspaar het glo ook nog glad nie besluit hoe hulle hul bates gaan verdeel nie, omdat hulle nog nie begin het om daaroor te onderhandel nie.

Die twee is verlede November uitmekaar ná Kutcher 'n buite-egtelike verhouding met die 22-jarige Sara Leal gehad het.

Ashton bly glo op die oomblik saam met sy nuwe meisie, die aktrise Mila Kunis, wat hy 14 jaar gelede leer ken het toe hulle saam aan That 70s Show gewerk het.

– Volg Nuus24 op Twitter