Demi Moore weer op die rak

2012-12-11 15:30

Los Angeles – Die 26-jarige kunshandelaar Vito Schnabel het sy verhouding met die 50-jarige aktrise Demi Moore beëindig.

Schnabel is bekommerd dat die media-aandag sy loopbaan sal beïnvloed.

"Vito het baie hard gewerk om ernstig opgeneem te word in die kunsbedryf en wil nie gesien word as iemand wat 'n verhouding het met 'n glanspersoonlikheid nie. Hy het dit gehaat toe fotograwe hom agtervolg nadat die nuus oor hom en Demi versprei het," het 'n bron aan New York Post se Page Six gesê.

Schnabel was ook ongelukkig omdat Moore net by 'n kunsgeleentheid wou kuier, terwyl hy probeer werk.

– Lees meer hier

– Volg Nuus24 op Twitter