Demi Moore glo in hospitaal vir dwelmmisbruik
2012-01-25 11:15
Los Angeles – Die aktrise Demi Moore is Maandagaand by ‘n hospitaal opgeneem ná ‘n beweerde voorval van dwelmmisbruik, het Moviefone berig.
Volgens TMZ is ‘n 911-oproep omstreeks 22:45 van Moore se huis in Los Angeles gemaak.
Paramedici het haar vir sowat 30 minute by haar huis behandel, waarna sy na ‘n nabygeleë hospitaal geneem is.
Bronne het aan TMZ gesê Moore se gesondheidsprobleme hou verband met dwelmmisbruik en dat sy “verdere professionele behandeling” gaan kry.
Moore se woordvoerders kon dit nie bevestig nie, en het gesê sy word vir uitputting behandel.
“As gevolg van die stres in haar lewe op die oomblik het Demi besluit om professionele hulp te kry om haar uitputting te behandel en haar algehele gesondheid te verbeter,” het een van Moore se verteenwoordigers in ‘n verklaring aan Moviefone gesê.
– Lees meer hier
– Volg Nuus24 op Twitter