De Niro die voetbal-held
2010-03-10 15:12
Los Angeles - Die veteraan akteur Robert De Niro het al alles van ‘n moordenaar tot ‘n polisieman gespeel en sal glo binnekort die rol van ‘n Amerikaanse voetbal legende by sy lys van karakters voeg.
Dié Oscar-bekroonde akteur gaan glo die Amerikaanse voetbal-ikoon Vince Lombardi in ‘n rolprent speel. Dié film sal handel oor Lombardi se aandeel in die sukses van die Green Bay Packers, wat gegaan het van die swakste span na die wenners van die Nasionale Voetbaltoernooi.
Eric Roth, wat aan die treffer Forrest Gump gewerk het, sal die draaiboek skryf.
Lombardi is in 1970 op die ouderdom van 57 oorlede.
- Reuters