David Kramer betreur pa se dood
2011-10-11 11:57
Kaapstad – Die musieklegende David Kramer het Maandag op sy Facebook-blad aangekondig sy pa, Solly, is in die ouderdom van 96 oorlede.
"My pa het vanoggend afgesterf. Hy was 96 jaar oud. Een van sy gunstelingtydverdrywe was om buite op die gras te oefen. Hy het elke dag op sy kop gestaan tot 'n paar weke gelede.
"Hy het my geleer hoe om dit te doen toe ek jonger was. Hy het my geleer om myself fisiek uit te druk en op dieselfde tyd het hy my nog 'n manier geleer om die wêreld te sien. Ons gaan sy teenwoordigheid mis."
Bekendes en aanhangers het hul medelye met Kramer gedeel.
Kramer, wat op Worcester in die Boland gebore is, het ook 'n broer, John.
Intussen is Kramer ook besig met sy nuwe musiekkomedie Some Like It Vrot met die bekende komediant Marc Lottering en Christo Davids, beter bekend as Errol in 7de Laan.
Die produksie begin op 21 Oktober.
– Volg Nuus24 op Twitter.